lohith hanumanthappa
ಕಲಿಸು ಫೌಂಡೇಶನ್ ಈಗಾಗಲೇ ಸರ್ಕಾರಿ ಶಾಲೆಯ ಉನ್ನತಿಗೆ ಹಲವಾರು ಕಾರ್ಯಗಳನ್ನು ಮಾಡುತ್ತ ಬಂದಿದೆ ಸುಮಾರು ೪೯ ಗ್ರಂಥಾಲಯಗಳನ್ನು ಸರ್ಕಾರಿ ಶಾಲೆಯ ಮಕ್ಕಳಿಗೆ ಅನುಕೂಲ ವಾಗುವ ರೀತಿಯಲ್ಲಿ ಯಶಸ್ವಿ ಗೊಳಿಸಿದೆ ,
ಸರ್ಕಾರಿ ಶಾಲೆಗಳ ಮಕ್ಕಳಲ್ಲಿ ಓದುವ ಹವ್ಯಾಸವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿರುವ ಕಲಿಸು ಫೌಂಡೇಷನ್ ಸಂಸ್ಥೆಯು ತನ್ನ 50 ನೇ ಗ್ರಂಥಾಲಯವನ್ನು ಉದ್ಬೂರಿನ ಸರ್ಕಾರಿ ಪ್ರೌಢಶಾಲೆಗೆ ಹಸ್ತಾಂತರಿಸಿದ್ದು , ಫೌಂಡೇಷನ್‌ನ ರಾಯಭಾರಿಗಳಾದ ಗೌರವಾನ್ವಿತ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವರು ಉದ್ಘಾಟಿಸಿದರು .
ಯದುವೀರ್ ರವರು ಕಲಿಸು ಫೌಂಡೇಷನ್ ಪ್ರತಿಷ್ಠಾನದ ಕೆಲಸದಲ್ಲಿ ತಮ್ಮನ್ನು ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ .
ಇಲ್ಲಿಯವರೆಗೆ ಮೈಸೂರು , ಬೆಂಗಳೂರು , ಕುಶಾಲನಗರ , ಮಡಿಕೇರಿ ಮತ್ತು ಮಂಡ್ಯ ಜಿಲ್ಲೆಗಳ ಸರ್ಕಾರಿ ಶಾಲೆಗಳಲ್ಲಿ ಓದುತ್ತಿರುವ 12,000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳ ಓದುವ ಆಸೆಗೆ ಕಲಿಸು ನೀರೆರೆದಿದೆ .
ಈ ಗ್ರಂಥಾಲಯವು ವಿವಿಧ ವಿಭಾಗಗಳಲ್ಲಿ 3000 ಕ್ಕೂ ಹೆಚ್ಚು ಪುಸ್ತಕಗಳನ್ನು ಹೊಂದಿದೆ ಮತ್ತು ಕರ್ನಾಟಕದ ಎಲ್ಲಾ ಪ್ರಮುಖ ಸ್ಥಳಗಳು ಮತ್ತು ಸಂಸ್ಕೃತಿಯ ಚಿತ್ರಕಲೆಗಳನ್ನು ಹೊಂದಿದೆ .
ನಂತರ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್
ಅವರು ಮಕ್ಕಳೊಂದಿಗೆ ಸಂವಾದ ನಡೆಸಿ ಗ್ರಂಥಾಲಯದ ಮಹತ್ವದ ಕುರಿತು ಮಾತನಾಡಿದರು ಮತ್ತು ಶಾಲಾ ಮಕ್ಕಳೊಂದಿಗಿನ ಸಂವಾದ ಕಾರ್ಯಕ್ರಮದಲ್ಲಿ ಮಕ್ಕಳು ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್
ಅವರನ್ನು ಕುತೂಹಲಕಾರಿ ಪ್ರಶ್ನೆಗಳನ್ನು ಕೇಳಿದರು .
*“ ಸರ್ಕಾರದ ಬಗ್ಗೆ ನಿಮ್ಮ ಅಭಿಪ್ರಾಯವೇನು ?*
ಸರ್ಕಾರಿ ಶಾಲೆಗಳು ಬಹಳಷ್ಟು ಸುಧಾರಿಸುತ್ತಿವೆ , ಶಾಲಾ ಶಿಕ್ಷಕರಿಂದ ನಾನು ಸಾಕಷ್ಟು ಬದ್ಧತೆಯನ್ನು ನೋಡುತ್ತಿದ್ದೇನೆ ಮತ್ತು ಸರ್ಕಾರವು ಶಿಕ್ಷಣಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಮತ್ತು ಒತ್ತು ನೀಡುತ್ತಿದೆ ಹಾಗೂ ಸಾಕಷ್ಟು ವ್ಯಕ್ತಿಗಳು ಮತ್ತು ಸಂಸ್ಥೆಗಳು ಶಾಲೆಗೆ ಬೆಂಬಲ ನೀಡಲು ಮುಂದೆ ಬರುತ್ತಿವೆ . ಇದರಿಂದ ಶಾಲೆಗಳ ಅಭಿವೃದ್ಧಿ ತ್ವರಿತವಾಗಿ ಆಗುತ್ತಿದೆ ಎಂದು ತಿಳಿಸಿದರು
*ನಿಮ್ಮ ಶಿಕ್ಷಣದ ಬಗ್ಗೆ ತಿಳಿಸಿ*
ಎಂಬ ವಿಧ್ಯಾರ್ಥಿನಿಯ ಪ್ರಶ್ನೆಗೆ ಯದುವೀರ್ ಅವರು ಮಾತನಾಡಿ
“ ನಾನು ಬೆಂಗಳೂರಿನಲ್ಲಿ ನನ್ನ ಮೂಲ ಶಿಕ್ಷಣವನ್ನು ಪಡೆದಿದ್ದೇನೆ , ಆರಂಭದಲ್ಲಿ ವಿದ್ಯಾ ನಿಕೇತನ ಶಾಲೆಯಲ್ಲಿ ಮತ್ತು ನಂತರ ಕೆನಡಿಯನ್ ಇಂಟರ್‌ನ್ಯಾಷನಲ್ ಸ್ಕೂಲ್‌ನಲ್ಲಿ ಮತ್ತು ನಂತರ ಆಮ್ ಹರ್ಸ್ಟ್ ನ ಮ್ಯಾಸಚೂಸೆಟ್ಸ್ ವಿಶ್ವವಿದ್ಯಾಲಯದಿಂದ ಇಂಗ್ಲಿಷ್ ಸಾಹಿತ್ಯ ಮತ್ತು ಅರ್ಥಶಾಸ್ತ್ರ ಪದವಿಯನ್ನು ಪಡೆದಿದ್ದೇನೆ ಎಂದು ತಿಳಿಸಿದರು,
ಈ ಕಲಿಸು ಫೌಂಡೇಶನ್ , ಮೈಸೂರಿನಲ್ಲಿರುವ ಸರ್ಕಾರಿ ಶಾಲೆಯಲ್ಲಿ ಶಿಕ್ಷಣದ ಗುಣಮಟ್ಟವನ್ನು ಸುಧಾರಿಸಲು ಕೆಲಸ ಮಾಡುತ್ತಿರುವ ಎನ್.ಜಿ.ಒ ಆಗಿದೆ .
ಈ ಸಂಸ್ಥೆಯು ಸುಮಾರು 60 ಸರ್ಕಾರಿ ಶಾಲೆಗಳಲ್ಲಿ 15000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳ ಮೇಲೆ ಪರಿಣಾಮ ಬೀರಿದೆ . ಕಲಿಸು ಫೌಂಡೇಶನ್ ಜ್ಞಾನಾಲಯಗಳನ್ನು ನಿರ್ಮಿಸುವ ಉಪಕ್ರಮವನ್ನು ಪ್ರಾರಂಭಿಸಿ ತನ್ಮೂಲಕ ಸರ್ಕಾರಿ ಶಾಲೆಯ ಪ್ರತಿಯೊಬ್ಬ ವಿದ್ಯಾರ್ಥಿಯೂ ಪುಸ್ತಕಗಳನ್ನು ಓದುವುದನ್ನು ಪ್ರೋತ್ಸಾಹಿಸುತ್ತಿದೆ.
ಈ ಯೋಜನೆಯನ್ನು ಕಲಿಸು ಫೌಂಡೇಷನ್ ಸಂಪೂರ್ಣವಾಗಿ ಕಾರ್ಯಗತಗೊಳಿಸಿದ್ದು ಮತ್ತು ಕಾರ್ಪೊರೇಟ್ ಕಂಪನಿ ವರ್ಲ್ಡ್‌ವೈಡ್ ಟೆಕ್ನಾಲಜೀಸ್‌ ( ಡಬ್ಲೂಡಬ್ಲೂಟಿ ) ಪ್ರಾಯೋಜಿಸಿದೆ .
ವಿನ್ಯಾಸ , ಪರಿಕಲ್ಪನೆ ಅಭಿವೃದ್ಧಿ , ಗೋಡೆಗಳ ಮೇಲೆ ಚಿತ್ರಕಲೆ , ಪುಸ್ತಕದ ಕಪಾಟುಗಳು , ಮೇಜುಗಳು , ಪುಸ್ತಕಗಳನ್ನು ಸಂಗ್ರಹಿಸುವಿಕೆ , ದೃಶ್ಯ ಸಾಧನಗಳು , ಕಲಾ ಕೆಲಸ , ಗ್ರಂಥಾಲಯದ ಅವಧಿಯನ್ನು ನಡೆಸಲು ಪ್ರತಿ ಗ್ರಂಥಾಲಯದಲ್ಲಿ ಶಿಕ್ಷಕರನ್ನು ನೇಮಿಸಲಾಗುವುದು .
ಒಂದು ವರ್ಷದ ನಿರ್ವಹಣೆಯನ್ನು ಕಲಿಸು ಫೌಂಡೇಶನ್ ನೋಡಿಕೊಳ್ಳುತ್ತದೆ ಮತ್ತು ನಂತರ ಜವಾಬ್ದಾರಿಯನ್ನು ಶಾಲಾ ಆಡಳಿತ ಮಂಡಳಿಗೆ ವರ್ಗಾಯಿಸುತ್ತದೆ .
ಕಾರ್ಯಕ್ರಮದಲ್ಲಿ ಕಲಿಸು ಫೌಂಡೇಶನ್ ಸಂಸ್ಥಾಪಕರ ಸಿಇಓ ನಿಖಿಲೇಶ್ , ವಿಘ್ನೇಶ್ , ಮನೋಜ್ ಕುಮಾರ್, ಶಾಲಾ ಶಿಕ್ಷಕ ವೃಂದ, ಗ್ರಾಮಸ್ಥರು ಉಪಸ್ಥಿತರಿದ್ದರು .